Ginastica Artistica

La vegn proponeta dai 3 ai 13 egn; l’é n sport complet che svilupea l ton di mùscoi, la capazità de reazion e de se dobièr, a na vida zis gustégola e moeta. La é n muie sèna e ùtola per duc, ajache la arcedea l corp te duta sia pèrts e amò apede la é deletégola da fèr e la ge dèsc de gran sodesfazions ai pìcoi atlec.

Via per l’an vegn fat tant ejercizies a corp ledech (desche la roda o la verticala) che coi èrc gregn.

Cors de Basa

Lezions una o doi outes en setemèna:

  • de mercol da les 16.00 a les 17.00 te Palestra del Comun de Tieser;
  • de vender da les 16.00 a les 17.00 te Palestra del Comun de Moena.

Cors mesan

Per n grop selezionà de atletes de chest cors, cerdudes fora da la arcedadores, vegn proponet garejèdes regionèles via per l’an.

Lezions una o doi outes en setemèna:

  • de mercol da les 17.00 a les 18.30 te Palestra del Comun de Tieser;
  • de vender da les 17.00 a les 18.30 te Palestra del Comun de Moena.

Ginastica de arcedament

Chest cors l’é out ai bec e a la bezes dai 3 ai 5 egn e l vegn fat soraldut percheche i se cognosce e i se gode con jeghes de moviment, con chi che i empèra a cognoscer sie corp e a se mever tel spazie che i à dintorn, ence col didament de la mùsega.

Per chest vegn fat ejercizies che miora la coordenazion e la forza di mùscoi; vegn ensegnà timpruma la “figurines” e la andadures per ruèr dapò, mìngol a l’outa, a se arvejinèr ai elements tecnics a corp ledech, desche stèr sotessora o fèr la ciandeila.

Chest program vegn proponet desche n jech o n percors e vegn chierì de valorisèr semper ence l’aspet educatif col ge ensegnèr ai bec a lurèr te n grop e a respetèr la regoles.

Lezions un’outa en setemèna:

  • de vender da les 16.15 a les 17.00 te Palestra del Comun de Moena.
preloader
artistica-moena-sport-50
artistica-moena-sport-41
artistica-moena-sport-38
artistica-moena-sport-36
artistica-moena-sport-33
artistica-moena-sport-29
artistica-moena-sport-14
artistica-moena-sport-13
artistica-moena-sport-10
artistica-moena-sport-48
artistica-moena-sport-3
artistica-moena-sport-66
artistica-moena-sport-62
artistica-moena-sport-100
artistica-moena-sport-101
artistica-moena-sport-104
artistica-moena-sport-116
artistica-moena-sport-117
artistica-moena-sport-121
artistica-moena-sport-127
artistica-moena-sport-145
artistica-moena-sport-178
artistica-moena-sport-202
artistica-moena-sport-204
artistica-moena-sport-92
artistica-moena-sport-94
artistica-moena-sport-97
artistica-moena-sport-102
artistica-moena-sport-198