Ginastica Ritmica

La ginastica ritmica l’é n sport out demò a la bezes, che l bina adum l moviment armonious del corp e la doura de pìcoi èrc: la fun, la bala, l cércen, i mazòcoi e la veta.
L’é n sport che svilupea soraldut la capazità del corp de doventèr màmol, l’eleganza e la coordenazion anter i eies e la mans.

Dapò, descheche disc l’inom medemo de chest sport, la mùsega compagnea e vida l moviment del corp e di èrc che se doura outa per outa.

La A.S.D. “MOENA SPORT GINNASTICA” la met dant corsc de ritmica co la doura di èrc, tant a livel sìngol che en cobia o en squadra; duc i egn noscia ginastes garejea con de boniscimes ejic a livel regionèl e nazionèl, tant ti enc promozionèi che te la Federazion.

Cors de Basa

Out a la bezes dai 4 egn inant, per se arvejinèr col jech a chest sport, tacan a manejèr ence vèlch un di èrc.

Lezions doi outes en setemèna:

  • de lunesc e de jebia* da les 16,15 a les 17,15 te Palestra del Comun de Moena.

Cors mesan

Out a la bezes dai 8 egn inant (scola populèra e mesèna), l perveit n lurier mìngol più senester, anter equilibrie, doura di èrc e braùres; chest cors l’é metù adum da bezes e touses che taca a tor pèrt a la garejèdes regionèles promozionèles.

Lezions doi outes en setemèna:

  • de lunesc da les 17.15 a les 18.45 te Palestra del Comun de Moena;
  • de jebia* da les 17.15 a les 18.15 te Palestra del Comun de Moena.

Cors de Preagonism

Out a la bezes dai 8 egn inant (scola populèra e mesèna), l perveit n empegn mìngol maor, tant dal pont de veduda tecnich che de orarie; chesta bezes e touses se dajarà jù te n percors de garejèdes regionèles promozionèles.

Lezions trei outes en setemèna:

  • de lunesc da les 17.15 a les 18.45 te Palestra del Comun de Moena;
  • de vender da les 17.00 a les 18.30 te Palestra del comun de Moena;
  • de sabeda da les 16.00 a les 17.30 te Palestra del Comun de Moena.

Cors de Agonism

Out a n grop selezionà de ginastes con de bona capazitèdes, na gran volontà e pascion per chest sport.

Per chesta atletes vegn pervedù n gran lurier de arcedament fisich per ruèr a se mever a na vida armoniousa e espressiva, a aer l sens del ritm, a manejèr i èrc con braùra.

L’obietif l’é chel de enjignèr ejercizies per la garejèdes tant individuèles che de squadra e de raprejentanza per la garejèdes regionèles, inter-regionèles e nazionèles de la FGI e di Enc de promozion sportiva desche la Confsport/ASI.

Te duc chisc egn l’empegn e la gaissa de atletes e arcedadores à portà de gregn mioraments e a de boniscimes ejic.

Lezions cater outes en setemèna:

  • de lunesc da les 18.15 a les 20.15 te Palestra del Comun de Moena;
  • de jebia* da les 18.15 a les 20.15 te Palestra del Comun de Moena;
  • de vender da les 17.30 a les 20.30 te Palestra del Comun de Moena;
  • de sabeda da les 17.30 a les 19.00 te Palestra del Comun de Moena.

Ginastica de arcedament

Chest cors l’é out ai bec e a la bezes dai 3 ai 5 egn e l vegn fat soraldut percheche i se cognosce e i se gode con jeghes de moviment, con chi che i empèra a cognoscer sie corp e a se mever tel spazie che i à dintorn, ence col didament de la mùsega.

Per chest vegn fat ejercizies che miora la coordenazion e la forza di mùscoi; vegn ensegnà timpruma la “figurines” e la andadures per ruèr dapò, mìngol a l’outa, a se arvejinèr ai elements tecnics a corp ledech, desche stèr sotessora o fèr la ciandeila.

Chest program vegn proponet desche n jech o n percors e vegn chierì de valorisèr semper ence l’aspet educatif col ge ensegnèr ai bec a lurèr te n grop e a respetèr la regoles.

Lezions un’outa en setemèna:

  • de vender da les 16.15 a les 17.00 te Palestra del Comun de Moena.
preloader
moena-sport-5
moena-sport-6
moena-sport-8
moena-sport-17
moena-sport-18
moena-sport-20
moena-sport-21
moena-sport-23
moena-sport-24
moena-sport-3
moena-sport-4
moena-sport-80
moena-sport-82
moena-sport-90
moena-sport-103
moena-sport-109
moena-sport-113
moena-sport-128
moena-sport-65
moena-sport-67
moena-sport-69
moena-sport-76
moena-sport-77
moena-sport-64
moena-sport-65
moena-sport-70
moena-sport-79
moena-sport-82
moena-sport-92
moena-sport-113
moena-sport-131
moena-sport-54
moena-sport-55
moena-sport-63
moena-sport-182
moena-sport-186
moena-sport-190
moena-sport-194
moena-sport-196
moena-sport-197
moena-sport-200
moena-sport-201
moena-sport-210
moena-sport-212
moena-sport-213
moena-sport-214
moena-sport-215
moena-sport-216
moena-sport-217
moena-sport-219
moena-sport-221
moena-sport-222
moena-sport-223
moena-sport-118
moena-sport-135
moena-sport-136
moena-sport-137
moena-sport-153
moena-sport-154
moena-sport-156
moena-sport-173
moena-sport-178
moena-sport-180
moena-sport-181